Carito Minang : Motivasi Karajo Mblo

Motivasi Untuak Jomblo (Jan Galau) Capek bana rasonyo wakatu baganti, baru patang rasonyo hari jumaik, eh kini lah hari sabtu pulo. Kalau ...

Motivasi Untuak Jomblo (Jan Galau)

Capek bana rasonyo wakatu baganti, baru patang rasonyo hari jumaik, eh kini lah hari sabtu pulo. Kalau ndak ado aral melintang jo sesuatu nan maambek, bisa jadi bisuak hari minggu.

Hari sabtu identik jo malam minggu. Malam nan ditunggu-tunggu dek nan punyo pasangan tapi malam manakuikkan dek nan jomblo. Sabana takuik jomblo jo malam minggu ko, apo lay pas dijalan basobok jo mantannyo nan sadang babimbiang tangan jo urang lain, onde mandeeeeh mancaliak mantan raso mancaliak kuntilanak nan sadang mamagang ladiang, takuik bana  .

Tapi tanang mblo, kami admin di Palanta ko ndak rela para jomblowan jo jomblowati basadiah dimalam minggu ko doh. Kami ndak sudi jomblo dihino, dicacek, diupek, jo digalakkan, ndak sudiiiiiii.. Baa ka baanyo jomblo adolah anggota Group Palanta juo, sasamo urang Minang kito badunsanak mblo walaupun beda nasib hahahaha.

Untuak itu kami maagiah motivasi ka jomblo supayo bisa malewati malam minggu nan durjana ko supayo jomblo tasanyum riang gembira sarato bahagia nan tiada terkira. Nan pasti jan galau mblo, karano galau adolah lagu Nia Daniaty..

"Galau-galau kaca
Tunjukkan padaku
Siapa diriku iini
Gebetan aku tak punya
Pacar pun aku tiada
Siapa pun aku tak punya
Hanya air mata
Yang selalu bercerita kepadaku"

Tolong didanga motivasi kami mblo, cinonot.. Eh cegidot.

Pasti sanak salah sangko ka kami salamoko, kami acok bana mambully jo manggalakkan jomblo, sudahtu sanak bapikia kalau kami manyuruah jomblo tu mancari pacar, salah sanak.. Salah bana. Tujuan kami mambully jomblo samato-mato hanyo untuak mahibur jomblo supayo jan baibo hati bana, cuma caro kami agak babeda jo nan lain stek dalam caro mahibur  . Pasti sanak masih heran jo ndak mangarati baa caro mahibur jomblo samantaro kami manggalakkan jomblo? Mukasuiknyo giko sanak ha, katiko kami manggalakkan jomblo otomatis nan coment sato lo galak jo coment nan aneh-aneh, nah mambaco coment cando itu pasti jomblo tahibur jadinyo. Apo pernah sanak mambaco postingan kami cando iko "woi mblo jan mamanuang juo cari lah pacar lay"? Ndak pernah doh sanak, karano kami sadar pacaran tu labiah banyak maksiatnyo dari pado kasiatnyo.

Apo bana lah kasiat atau keuntuangan dari pacaran? Ado nan perhatian gitu? Kalau hanyo mancari urang nan perhatian ka kito ndak usah pacaran, jan baia listrik salamo tigo bulan, pasti beko banyak urang PLN nan perhatian.atau kalau nan mangkredit onda bagai,cubo jan dibayia2 3 bulan pasti datang urang mancari sanak mah...

Kalau maksiat dari pacaran pasti sanak lah tau, kalau ndak pandai-pandai manjago badan, manjago iman jo imin mako banyak tajadi hal-hal nan diinginkan. Hal-hal nan diinginkan setan  .

Nan kaduo niat kami tu elok, kami ingin jomblo tu bangkik dari keterpurukan jo mulai mancari pasangan, kalau lah dapek ajak nikah sakali, jan ditunggu-tunggu juo lay. Beko dulu pulo kawan manyemba..!.
Ingek mblo dunia ko ndak saleba sarawa kolor doh, dunia ko laweh, salaweh galak pejabat katiko mandanga kaba kalau jatah anggaran Rumah dinasnyo dinaiakkan pemerintah.

Dek dunia ko laweh mako dari itu carilah pasangan lay. Usah banyak piliah bana. Bialah rancak tapi atinyo elok dari pado buruak tapi mantiko cirik.
Salamaik bajuang mblo, ingek pepatah "barakik-rakik ka hulu, baranang-ranang ka tapian, nan pacaran alun tantu sampai ka penghulu, bisa jomblo kamudian.."

Nah untuak nan lah nikah ado lo pepatahnyo..
"barakik-rakik ka hulu, baranang-ranang ka tapian, jiko sanak lah ka penghulu, usah jomblo dipatangihkan.."
Ayo.....!
Sumangaik Mbloooo.....

Agiah Komen Gai La Sanak

   


Nama

Adaik,35,bahasa minang,6,Budaya,72,Carito,14,Dibao Galak,8,istilah,14,Pantun,12,Papatah,9,Resep Minang,9,Sajarah,31,Tokoh,10,Warisan,27,
ltr
item
Minangkabau: Carito Minang : Motivasi Karajo Mblo
Carito Minang : Motivasi Karajo Mblo
https://2.bp.blogspot.com/-tPf7MD195cM/WAlaLmuMLSI/AAAAAAAAAzA/qD_e5Ly8jdIVbMEP_JE5Ot-GVgeyTQDrgCLcB/s400/kambing%2Bkurban.jpg
https://2.bp.blogspot.com/-tPf7MD195cM/WAlaLmuMLSI/AAAAAAAAAzA/qD_e5Ly8jdIVbMEP_JE5Ot-GVgeyTQDrgCLcB/s72-c/kambing%2Bkurban.jpg
Minangkabau
http://www.anakminang.com/2015/09/carito-minang-motivasi-marjo-mblo.html
http://www.anakminang.com/
http://www.anakminang.com/
http://www.anakminang.com/2015/09/carito-minang-motivasi-marjo-mblo.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy