Carito Minang : Taranak Qurban

Dek karano sabanta lay Rayo Haji, mako Trio Bingkaruang (Yudi,Bangdho jo Toton) bisnis manjua kambiang. Nan maagiah modal Toton samo Bangdho...

Dek karano sabanta lay Rayo Haji, mako Trio Bingkaruang (Yudi,Bangdho jo Toton) bisnis manjua kambiang. Nan maagiah modal Toton samo Bangdho,sadangkan Yudi nan manjuanyo, beko keuntungan bagi tigo.

Duo ikua kambiang hasia modal Toton jo Bangdho dikabek'an dek Yudi ditapi jalan, Yudi pun mulai manjuanyo. Duo ikua kambiang tu tapokok duo juta moatuih.
.
"Bruuuuum.. Ciiiiit..." Da Rito baranti..
.
Yudi : "Kambiang da..??"
"Plak..!!" Malayang tangkelek ndak ba rem dipangka talingo Yudi.
Da Rito : "aden manusia ndak kambiang doh lai jaleh diang!!??"
"Uaaaaaaaa..   " Yudi maluluang tagang nan Da Rito langsuang tancap gas. Toton jo Bangdho nan duduak santai dalam banda kariang sambia maisok rokok lintang anam lah payah manahan galak.
.
Ndak lamo sudahtu tibo Angku Gadang..
Angkugadang : "sehat-sehat kambiang ang ko Yud, baagiah makan apo?"
Yudi : "nan ma dulu ko Ngku? Nan itam apo nan putiah?"
Angkugadang: "hmm nan itam dulu.."
Yudi: "kalau nan itam makannyo daun cubadak.."
Angkugadang : "oh, kalau nan putiah?"
Yudi : "samo nyo.."
.
Angkugadang : "kambiang-kambiang ang ko bara umuanyo?"
Yudi : "nan ma dulu ko Ngku ? Nan itam apo nan putiah?"
Angkugadang : "nan itam dulu Yud.."
Yudi: "kalau nan itam umuanyo sataun.."
Angkugadang : "kalau nan putiah?"
Yudi : "samo nyo.."
.
Angkugadang pun mulai muak..
Angkugadang : "kambiang ko lai ndak cacat?"
Yudi : "nan ma dulu ko Ngku ? Nan itam apo nan putiah?"
Angkugadang : "nan itam!!" (Esmosi)
Yudi : "alhamduillah ndak cacat doh Ngku.."
Angkugadang : "kalau nan putiah."
Yudi : "samo nyo.."
.
Angkugadang : "WOI GARAPAI BAA DEK ANG BEDA-BEDAKAN KAMBIANG NAN DUO KO, KALAU JAWABANNYO SAMO??"
Yudi : "sorry Ngku, masalahnyo giko ha, kalau nan itam tu punyo Toton jo Bangdho, aden hanyo manjuanyo sajo.."
Angkugadang : "oh baitu tu Yud, sorry kalau aden lah esmosi ka ang, kalau nan putiah?"
Yudi : "samo nyo.."
Angkugadang : "ARRRRRG SETAN ANG..!! . . !! Ndak lawak.. Ndak lawak lai jaleh diang, humor lamo tu mah lah banyak nan posting..!!"
*pulang jo muko merah*
Yudi : "lawak kalau dek urang nan alun baco wkwkwk"
"Hahahahaha" kajang-kajang Toton jo Bangdho dek galak dalam banda kariang.
.
Angkugadang pai, Makbud tibo. Karano Yudi ndak nio mampagarahan Makbud dek sabaleh duobaleh gilonyo jo inyo, transaksipun bajalan lancar. Saikua kambiang dibali Makbud, kini tingga saikua lay.
.
Mominik sudahtu tibo lawan kareh si Yudi yaitu Pak Jorong Malin.
.
Pak Jorong: "manjua jawi ang?"
Yudi : "??? Kambiang nan den jua Pak ndak jawi doh, ndak pandai Pak mambedaan maa kambiang maa jawi?"
Pak Jorong: "aden ndak batanyo ka ang doh tapi den batanyo ka kambiang.."
Yudi : "Uaaaaa.. Jadi aden Pak kecek'an jawi??"
Pak Jorong: "mangarati se lah ang tu ndak usah den jalehkan bana cukuik saluang nan manyampaikan wkwkwk.."
Yudi : "greeeeeeet..." (mangariti manahan Paneh)
.
Pak Jorong: "den nio mambali kambiang ang ko.."
Yudi : "sip.. Makan disiko apo dibungkuih..?"
Pak Jorong: "dibungkuih se lah..!!
Hah.. Ang sangko bali nasi ko??" (Kini Pak Jorong lo nan paneh lay)
Yudi : "hahahah scor 1-1  "
.
Pak Jorong: "bara harago kambiang ang ko?"
Yudi : "limo juta?"
Pak Jorong: "mabuak ang? Maha bana.. Sajuta sangah se lah.."
Yudi : "ndak bisa doh Pak, lah pas haragonyo, batua maha tapi Pak Jorong dapek bonus.."
Pak Jorong: "apo bonusnyo?"
Yudi : "cirik-ciriknyo nan baserak dijalan ko den bungkuihan untuak Pak Jorong hahahaha.."
Pak Jorong: "kurang aja ang langau!!"
Yudi : "scor 2-1  "
.
Pak Jorong: "kini serius se lah ang bara harago pas nyo?"
Yudi : "lah pas tu Pak 5juta, bisa den kurangi haragonyo jadi sajuta tapi...." (Dipotong Pak Jorong)
Pak Jorong: "tapi apo??"
Yudi : "tapi den kurangi pulo kakinyo jadi duo, scor 3-1 hahhaha.."
Pak Jorong: "kalera ang..!!" (Langsuang pai)
.
Yudi : "Pak.. Pak.. Siko lah dulu pangambok baa Pak ko wak lah gadang  "
"Seeeeet.. Ciiiit.." Pak Jorong baranti, sudahtu mandakek ka Yudi liak.
Pak Jorong: "baa ndak ka mangambok den diang, kebiasaan ang mampagarahan den.."
Yudi : "sorry Pak hehe, den sangajo maha manjua kambiang ko karano bahadiah tanah.."
Pak Jorong: "ciyuuuus?"
Yudi : "enelan.."
Pak Jorong: "miapa?"
Yudi: "miyabi.."
Pak Jorong: "okeh.. Ko pitihnyo Yuang 5juta.."
Yudi : "mantaaap.. Tunggu nta Pak, tolong tutuik mato Pak yo karano iko kejutan.." (Yudi pun pai)
"Hmmm pasti paja ko maambiak sertifikat tanah, horeee" kecek Pak jorong dalam hati sambia manutuik matonyo.
.
10minik sudah tu Yudi tibo liak..
.
Yudi : "bukaklah mato Pak, ko hadiah tanah nyo tu.. Taraaaaa..  " (sambia maampehan sakaruang tanah)
Pak Jorong: "woi incek salak kurang aja ang...!!"
Yudi : "Ton...Dho.... Kalua kalian, pesta uwok patai kito di lapau Mak Gadot...hahahaha kabuuuuuur..."
Toton/Bangdho : "hahahhaa mantaaaaap.." (Bahamburan kalua dari dalam banda kariang)
Pak Jorong: "Uaaaaaaa... Dasar bingkaruang kalian...Den doa an kalian manjomblo sampai kiamat tibo......."
*nangih pulang sambia manjujuang kambiang jo sakaruang tanah*
*dikuduak suok bajujuang kambiang*
*dikuduak kida bajujuang tanah*

Carito dapek dari - @jibilii (polo lah urang ganteng ciek ko di tuiter, nak bakicau juo buruang nyo)