Carito Minang Lucu Marantau Ka Bandung

Alkisah surang laki laki ba muko pulang pokok, wakatu paratamo marantau ka Banduang. Di lapeh jo mande di kampuang jo aia mato. Ba jalan kut...

Alkisah surang laki laki ba muko pulang pokok, wakatu paratamo marantau ka Banduang. Di lapeh jo mande di kampuang jo aia mato. Ba jalan kutiko bulan Sapar, baniaik kok lai bisa mambangkik batang tarandam. Kan iko lo ko. Buyuang ba namo, Si Udin Pulai.
Barangkek dari kampuang, naiak oto gadang merk NPM. Babaok baju jo taih nan sadang elok. Indak banyak mungkin sakitar ampek atau limo pasang lah baju di dalam taih tu. Di arak jalan, siang baganti sanjo, sanjo baganti malam, nan oto malaju, jarak tapian samakin jauah.

Kononlah mandapek si Pulai wakatu tu di tampek Si Ajo Meha di Banduang. Kawan salapiak sakatiduran samaso mancilok paraweh di balakang rumah angku Pian. Ado pun si Ajo Meha, alah tingga sajak 4 tahun nan lalu.

Sasampai di rumah kontrakan Ajo Meha, alah saliang ba tanyo kaba. Sudah sakitar beberapa jam, si Pulai maraso hauih.

" Jo, cari nan segar awak lah, taragak buah buah an den ha, alah 3 hari di ateh NPM susah den karaia" Kicek si Pulai.

" Apo nio ang Lai, awewe nan segar?" Baleh di Ajo.

" Awewe, oih makanan a lo tu, baa raso e tu Jo?" Jawek si Pulai satangah takajuik.

" Onde, ndak tau ang do yo, Awewe ko lasuah mah, segar bana, melancarkan buang air, tapi lai talok dek ang manangguang akibaiknyo?" kato si Ajo.   "Baa tu jo?" Si Pulai makin penasaran.

"Awewe ko padusi, batino kato rang awak nyo Lai, andeh awak ang Lai.." Takekeh si Ajo galak. " Oyo kok ndak nio ang cari se lah kalua surang. Tapi ingek Lai awak di kampuang urang, kok ado urang bakumpua di gang tu permisi lewat dih. Katoan "Punten" kalau mintak permisi ka lalu di muko urang" Kicek si Ajo sambia mambaka rokok sabatang.

" Jadihlah ko bitu bia den cari surang ha" Si Pulai baransua tagak.

Bajalan lah si Pulai ka lua tiok ado amai amai bagunjiang di gang alah nyo sabuik punten punten. 10 menik sudah tu baliak lah si Pulai. Nyo bali es doger.

" A nan ang bali Lai?" Tanyo si Ajo.
"Ko Ha, den bali es, eh lai takana dek den, di siko ndak do batang mangga do ha. Tapi urang siko manjua mangga banyak yo, patuik juo kayo kayo urang di banduang ko goh. Saindak nyo tiok induak induak punyo usaho manjua mangga" Kicek si Pulai.

" Manjua mangga baa? Lai" Tacangang si Ajo.
" tiok den lalu dek ang, di tawarannyo mangga. Aden kan lalu, punten kicek den eee nyo tawarana. Mangga kang, mangga mas, tu den jawek liak - tidak buk. E galak galak amai amai tu di ang. Dek den ndak mancari mangga do." Pulai manjalehan.

" Ondeh Pulai, mangga tu artinyo silahkan. wak ang Lai, sabana nyo wakang lai.." Jawek si Ajo Manggaritih. (dikirim dek Putra Pratama)

Agiah Komen Gai La Sanak

   


Nama

Adaik,35,bahasa minang,6,Budaya,72,Carito,14,Dibao Galak,8,istilah,14,Pantun,12,Papatah,9,Resep Minang,9,Sajarah,31,Tokoh,10,Warisan,27,
ltr
item
Minangkabau: Carito Minang Lucu Marantau Ka Bandung
Carito Minang Lucu Marantau Ka Bandung
https://1.bp.blogspot.com/-Adoo4__tiKo/WBXY8c171hI/AAAAAAAAA80/CwsIeVcXZhIBDccUPXKWrzTBhPyjhkS6QCLcB/s1600/hotel%2Bmurah%2Bdi%2Bbandung.jpg
https://1.bp.blogspot.com/-Adoo4__tiKo/WBXY8c171hI/AAAAAAAAA80/CwsIeVcXZhIBDccUPXKWrzTBhPyjhkS6QCLcB/s72-c/hotel%2Bmurah%2Bdi%2Bbandung.jpg
Minangkabau
http://www.anakminang.com/2016/10/carito-minang-lucu-marantau-ka-bandung.html
http://www.anakminang.com/
http://www.anakminang.com/
http://www.anakminang.com/2016/10/carito-minang-lucu-marantau-ka-bandung.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy