Antah Ko Baa - Bungo Nan Jatuah

Antah Ko Baa Sabiduak raok ka hulu Aia lalu nan nyo papek Kahilia babiduak tingga Sajalin kasiah nan satu Sabilang cinto ba ikek Tat...

Antah Ko Baa

Sabiduak raok ka hulu
Aia lalu nan nyo papek
Kahilia babiduak tingga
Sajalin kasiah nan satu
Sabilang cinto ba ikek
Tatumbuak surau babeda

Jatuah daun angin bakisa
Aia tanang mambaok hanyuik
Apo kadayo si rantiang ketek
Antah di adiak raso manyasa
Samo bakaram kito ka lauik
Bedo kok karam di tabek ketek

Dek angin basudahkan juo
Bungo mudo tabaok pulo
Urek di bawah manahan tangih
Basambuang mungkin ka sio sio
Basudah mungkin badan sansaro
Antah kok bisa hati di kikih

Bungo Nan Jatuah

Ko tagok tagak si batang
Indak tatagah si rantiang patah
Ka nan satu bakarilahan
Aia lalu tanang lah baa
Nak nyo tarapuang bungo nan jatuah
Sabalun riak mambaok ilang
Nak nyo tanang putiak nan tingga

Santano tanang putiak nan tingga
Alamaik bungo ndak tumbuah lai
Dikaji pulo bungo nan hanyuik
Indak ka dapek putiak nan baru

Manyumpah ka bakeh angin
Apo ka dayo hakikaik angin
Jaso ka kapa sadang balaia
Tibo di kami mambaok carai

Takadia sudah di untuang bungo
Bapaso putuih kasiah jo putiak
Alua nan luruih bapaso turuik
Tampak di jatuah maenggok juo
Di batin bungo manyimpan tangih

***