Kumpulan Pantun Minang #1

Iko kumpulan pantun pantun minang nan bacokok dari twitter. Bacokok dari masiang masing akun nan alah dilampirkan namo tukang susun katonyo....

Iko kumpulan pantun pantun minang nan bacokok dari twitter. Bacokok dari masiang masing akun nan alah dilampirkan namo tukang susun katonyo. Namun mungkin dari nan punyo akun ndak tahu kalau pantunnyo ko bacokok. Saandainyo ado nan ka komplen bagai bisa di kolom komentar. Tapi jan di ajak lo urang sakampuang ba demo gara gara awak mancokok cokok pantun uda/uni/sanak dih. Cukuik di komen se, kalau kurang suko di publikasikan.

Elok tatumpuang si biduak tirih, dari pado tatumpang biduak bolong. Elok jando bana dibandiang gadih, konon ko gadih banyak nan lah sompong. (@idonasmara).

Basah sarato atok rumah gadang, Ulah rinai dikampuang salayo. Jan disasa tangih nan datang, karano ambo urang tak punyo. (@GadangOta_)

Koklah rinai dipatang ari, tando ujan sanjo katibo. Kok lah ba-inai di ujuang jari, tando upiak lah bapunyo (@GadangOta_)

Bia den cubo pai ka pasa, hujan rinai malah kirnyo. Iko hati diak bukan pertamina, singgah sabanta jan disiko. (@arifreynaldi5)

Hari galok rinai pun tibo, tutuik mato lalu piciangkan. Kok ndak jadih uda ka tibo, bisa dicari urang manggantikan. @kunthit74.

Sianok balubang japang, rinai bajadi dihari sanjo. Bia gadih adiak jo urang, adiak jando ditunggu juo. @zalvi05.

Sangko rinai ka hujan labek, satitiak sudah salasaikannyo. Bajanji arek dulu kabaralek, kini adiak piliah urang nan kayo. (@tambir_ing3)

Baju kuniang sarawa mode, itulah cando jinih pakaian. Tapaso balamak-kan makan jo tempe, nan mambuek randang agak ba anggan.

Lapeh lapeh punai ka rimbo, saikua lai jinak dan tingga. Makin jauah makin manggilo, suduik mato adiak juo nan takana.

Dijuluak bulan jo bintang, pinggalan sayuik tangan tak sampai. Kini ratok dilulua surang, diguluang badan lalok di lantai.

Sajak kudo pandai balari, bukik lurah nan inyo lajang. Baa bini ndak ka baganyi, lanjo kurang salero gadang.