Pantun Lirik Lagu Gumarang

Di danga dari saluang Sawir Sutan Mudo. Iko lirik dari dendang saluang ko nan bajudul Gumarang. Untuang kok lai ka manjadi palajaran untuak ...

Di danga dari saluang Sawir Sutan Mudo. Iko lirik dari dendang saluang ko nan bajudul Gumarang. Untuang kok lai ka manjadi palajaran untuak awak ba samo.


Sungai pua jo kubang putiah
jo desa sariak badakek an.
Sa patah kaji ba salisiah
manga kok surau ba tingga kan.

Urang sariak jo sungai pua
banyak ma rantau ka batawi.
Saketek lai ka manyasa.
kok tak di muluik di dalam hati.

Batagak jo sawah rokan.
ka tigo jo padang kudo
ratak jo a di hilangkan.
nan di pati mangasan juo

Gunuang marapi jo singgalang
banyak nagari di lereangnyo.
lah luko hati dek manimbang
namun hati tasingguang juo.

Kok runtuah gunuang marapi
ta timbun parak urang kampuang
bia ilang badan di nagari.
asa hati jan acok tasingguang.


Jiko dipahami ka sadonyo lagu ko. Ibaraik,  urang nan iduik ta seso. Bisa di ambiak contoh laki bini nan batangka. Kadang karano masalah saketek,  langsuang barangkek. Tapi baa lah ka babaliak susah, ndak ka babaliak bedo. Kadang takana ado raso manyasa. Namun jikok babliak hati lah rusak. Dek sadang galau takah itu, raso ka di baok jauah badan tu lai.

Tapi apo nan dapek wak ambiak palajaran dari tiok tiok bait dendang saluang tu?
Nan paratamo dikatokan  " sapatah kaji basilisah , manga kok surau ditinggakan". Ibaraik nyo ado saketek masalah tapi bagadang gadang kan. Istilah kini nyo lebai.

Nan Kaduo di sabuik kan " saketek lai ka manyasa, kok tak di muluik di dalam hati". Palajaran nan dapek di ambiak adolah ba pikia pikia ka mangarajoan sesuatu. Karano apo pun karajo pasti ado sasala di akhirnyo. Antah iko biaso atau memang sipaik manusia nan lah dari moyang. Contoh sajo kalau lah tajadi pasti ado kato " kok tadi..." seandainyo cako". Bahkan bisa dirasoan sorang sorang kalaupun indak bakatoan dalam hati ado tu mah sasalan nan tibo.

Nan Katigo  "ratak jo a la ka dihilangkan, nan di pati mangasan juo". Pasan untuak ba elok elok, bapikia masak masak ka mangarajoan. Sa andainyo ado urang nan tasingguang dek gara gara awak. Mungkin bisa awak minta maaf, tapi baa pun mintak maaf namun pasti ado juo raso ' indak rela'. Ibaraiknyo alah di sabuikkan. Sadangkan barang nan di pati lai ado juo bakehnyo.

Nan Ka ampek " lah luko hati dek manimbang, namun dek ati tasingguang juo" ampiang manyambuang jo nan kalimo. Iko ado lah caritonyo baa menenggang urang tapi baa lah. Ka mari salah kalau la babuek salah. Mako dari itu jago elok elok badan, jan sampai babuek salah. (Penulis : Azwir Rahmad)

Agiah Komen Gai La Sanak

Nama

Adaik,35,bahasa minang,6,Budaya,70,Carito,14,Dibao Galak,8,istilah,14,Pantun,12,Papatah,8,Resep Minang,8,Sajarah,28,Tokoh,9,Warisan,24,
ltr
item
Minangkabau: Pantun Lirik Lagu Gumarang
Pantun Lirik Lagu Gumarang
https://4.bp.blogspot.com/-KzvzJ-AlRnc/WA00FPWXokI/AAAAAAAAA7I/a1Wpv60kpF0_sbADKU4i3zLqv_Nvtzn3ACLcB/s1600/resep%2Btahu%2Bgimbal.jpg
https://4.bp.blogspot.com/-KzvzJ-AlRnc/WA00FPWXokI/AAAAAAAAA7I/a1Wpv60kpF0_sbADKU4i3zLqv_Nvtzn3ACLcB/s72-c/resep%2Btahu%2Bgimbal.jpg
Minangkabau
http://www.anakminang.com/2016/11/pantun-lirik-lagu-gumarang.html
http://www.anakminang.com/
http://www.anakminang.com/
http://www.anakminang.com/2016/11/pantun-lirik-lagu-gumarang.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy