3 Sikap nan Maangkek Harago Diri Urang Minang

Manjadi urang nan dihormati dilingkungan tampaik tingga adolah bagian nan harus awak punyo. Apo guno iduik di nan rami, kok badan jo batin r...

Manjadi urang nan dihormati dilingkungan tampaik tingga adolah bagian nan harus awak punyo. Apo guno iduik di nan rami, kok badan jo batin raso tasisiah. Disingguang diujuang kato, tasisiah - Manjadi tasisiah dilingkungan pergaulan tantu ado sababnyo.  Dima asok ado kalau api nan tak ado.
Gambar ka gaya ko dari driwancybermuseum.wordpress.com
Indak dibahas baa kok bisa takah itu, baa kok anak manusia bisa tasisiah. Tapi, kito utamokan maminteh sabalun hanyuik, maingek sabalun kanai. Mahindari hal hal nan samacam itu, ado 1+2 hal nan harus dipaliaro dalam ba tingkah laku. Supayo manjadi manusia nan disanangi dalam pergaulan. Baa kicek pak mario teguh, manjadi sahabat Indonesia nan Super.

1. Bakato di bawah bawah, Manyauak di hiliah hilia, Mamacik di ujuang ujuang

Makasuiknyo jan maninggi, tinggi ruok dari boto. Ukua ukua mangicek, pandang bayang bayang sa ukuran badan. Singkek kato, jan sombong.

Hampia sajalan jo mukasuik nan di ateh.  Kok babuek, mangarajoan nan paralu di awak. Karajoan di ilia. Artinyo supayo jan mangaduah ka urang banyak. Kalau kito baliak-an, manyauak di hulu, alamaik karuah aia ka ilia. Berang urang sabalik. Paham lah sanak tantang mukasuiknyo.

Masih padanan tigo sarangkai dari duo nan di ateh. Dipacik jan langsuang ka pangka. Di raso raso dulu, dicubo dari ujuang. Adopun labiah tapeknyo,  disitu ado duo kato ujuang. " Ujuang-Ujuang" sacaro ndak langsuang manggambaran, supayo tagok apo nan di pacik.

2. Usah panyonsong Kicek Urang, Usah Pamaha jo Pujian

Mukasuiknyo tantu sanak lah mangarati.  Katiko urang mangicek usah disonsong atau ditantang. Ataupun satiok apo nan urang katokan, dilawan taruih. Alamaik banci urang ka awak.

Lalu, katiko urang lain kok balabiah, jan sungkan mamuji. Jauhkan sipaik dangki dari diri. 

3. Nan Tuo di anjuang Anjuang, Nan Ketek di Sayang Sayang, Nan Bansaik sapo daulu

Artinyo, nan labiah tuo dari awak dihormati. Di anjuang. Samantaro nan labiah ketek di sayangi. Adopun tambahannyo samo gadang bao bakawan. Kalau lah bisa mangarajoan nan itu, nan tuo suko mancaliak awak, nan ketek horomaik ka awak.

Tambah ciek lai, nan bansaik sapo dahulu. Jadi iko akan menunjuak an kalau awak tatap mangharagoi urang. Jan talampau ongeh, mantang lai saketek, agak maleh manyapo urang nan di bawah awak. Indak level, indak paralu. Apolai sampai pulo kalua kalimaik "  Aden kan ndak ado mamintak ka paja tu do, ko paralu paja jo den bia nak disapo nyo den, aden kan kayo, pajalah saharusnyo manyapo den dulu". Usah sanak, alah masuak sombong sanak kok sampai bapikia model itu. Ingek, dek tuhan manuka nasib manusia ko labiah capek dari mambaliak-an talapak tangannyo. Nyampang baputa roda, nan kayo jadi bansaik nan bansaik jadi kayo - atau buih jadi permadani -kato lagu slorok malaysia. Baa ka aka? Kalau lah elok awak katiko kayo, tantu ko batuka peran wak jo urang di dunia ini panggung sandiwara ko - tantu urang tu saindaknyo lai lo basimpati jo nasib awak.

Agiah Komen Gai La Sanak

Nama

Adaik,35,bahasa minang,6,Budaya,70,Carito,14,Dibao Galak,8,istilah,14,Pantun,12,Papatah,8,Resep Minang,8,Sajarah,28,Tokoh,9,Warisan,24,
ltr
item
Minangkabau: 3 Sikap nan Maangkek Harago Diri Urang Minang
3 Sikap nan Maangkek Harago Diri Urang Minang
https://2.bp.blogspot.com/-X8BraOyXfxY/WUBLelxZ5yI/AAAAAAAAGoU/b2IAicZol4A9htdj70mleHiy5I7YBkCfQCLcBGAs/s1600/new%2Byork%2Btime%2Bsquare.jpg
https://2.bp.blogspot.com/-X8BraOyXfxY/WUBLelxZ5yI/AAAAAAAAGoU/b2IAicZol4A9htdj70mleHiy5I7YBkCfQCLcBGAs/s72-c/new%2Byork%2Btime%2Bsquare.jpg
Minangkabau
http://www.anakminang.com/2017/06/3-sikap-nan-maangkek-harago-diri-urang.html
http://www.anakminang.com/
http://www.anakminang.com/
http://www.anakminang.com/2017/06/3-sikap-nan-maangkek-harago-diri-urang.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy