6 Wajah Padusi nan Ka Diambiak Jadi Urang Rumah

Sanak ambo dima sajo barado nan bisa mambaco tulisanko. Adolah dari pituah Angku Yus Datuak Parpatiah nan ambo danga. Mungkin dek kaset lah ...

Sanak ambo dima sajo barado nan bisa mambaco tulisanko. Adolah dari pituah Angku Yus Datuak Parpatiah nan ambo danga. Mungkin dek kaset lah sarik basuo. Mako dari itu, dari ambo nan mandanga, tibo sarato ide untuak manulih-an nan tadangan tu.

Topik nan kadang mungkin bisa digalak-an. Tapi samantang baitu, itu paralu bana di kito untuak tau. Khususnyo nan calon mamak mamak, panjago warih, pambimbiang kanakan jo pamangku anak. Barang nan ka disampai-kan ko tantang mancari urang rumah atau tasabuik pulo jo induak bareh.
Gambar Bacokok dari puticayo.blogspot.com
Hakikaik jodoh nan ado konon iyo dari nan kuaso. Tuhan nan satu, indak ado duonyo. Namun dibaliak itu, tantu nan di awak harus ba usaho. Ndak bausaho iyo agak payah ka mandapek an hasil. Sadangkan ka lalok se harus piciang mato. Antah ko indak?

Manuruik Angku Yus Datuak Parpatiah, dalam kaset nan ambo danga. Ado 6 wajah padusi di Minangkabau nan patuik ka di ambiak ka jadi amak paja. Apo se tu kiro-kiro?

  1. Rancak Rupo nyo - Atau kok di masyarakaik bisa dikatoan kamek paja ko.
  2. Mamiliah bansonyo - Aratinyo jaleh dari ma banso turun tamurun nan gadih ko
  3. Banyak haratonyo - Dalam katurunannyo yo lai lah urang barado paja ko.
  4. Tinggi Sakolanyo- Ko dapek urang nan bapandidikan. Sahubuangan kini, alah takah iko pandangaran, jo urang ndak sakola juo nan bacari? Bukan mahino sanak nan mungkin dulu pernah ndak bisa (bukan ndak nio) tapi kalau jaman kini iyo bantuak nyo pandidikan ko paralu
  5. Haluih budi bahasonyo - tantu padusi nan rancak parangai, elok nan kalua dimuncuangnyo. Itu nan ka mambuaek awak sanang mamakai urang sanang mancaliak.
  6. Taat ba agamo - Pandampiang iduik nan ka dipatangguang jawab-an di awak sabagai imam di dunia akhiraik. Tantu nan alah punyo pondasi agamo akan labiah mudah untuak di imami. Di bandiang, padusi, mangaji ndak pandai, sumbayang ndak ajan. Duo kali lipek karajo beko sanak.
Dima ka dicari nan langkok jo saraik sarupo itu. Waallahualam. Itu iyo agak sarik mancari padusi nan cukuik punyo anam saraik tu. Tapi, apo ndak ka pai ka kantua KUA kalau ndak basuo nan 6 tu?

Dari 6 saraik nan tu. Nan pokok kapalo galeh nyo ado di duo nan tarakahir. Ibaraiknyo itu harus ado. Dari no 1 sampai 4 kalau dapek itu ancak bana.  Dapek nan  panuah saraik 3,5,6 jadi juo, 2,5,6 agiah kali. Sakali lai nan paralu ado 5,6  nyo.

Baa kok paralu bana nomor 5 jo 6 tu?
Rancak rupo ndak baiman, itu pangka cilako dalam kampuang, manggata dalam nagari. Buliah di banso, indak congkak, takabua dalam nagari, urang jajok sabalik kampuang
Itulah wajah padusi minangkabau nan harus dan kalau bisa ka dijadian induak bareh. Untuak nan calon amai amai nan mambaco, nak banyak lo laki laki nan antri supayo bisa pulo mamiliah - ayo sabisa mungkin banyak-an mancukuik-an syaraik nan 6 di ateh.

Agiah Komen Gai La Sanak

   


Nama

Adaik,35,bahasa minang,6,Budaya,72,Carito,14,Dibao Galak,8,istilah,14,Pantun,12,Papatah,9,Resep Minang,9,Sajarah,31,Tokoh,10,Warisan,27,
ltr
item
Minangkabau: 6 Wajah Padusi nan Ka Diambiak Jadi Urang Rumah
6 Wajah Padusi nan Ka Diambiak Jadi Urang Rumah
https://3.bp.blogspot.com/-JF9gvumHrnE/WUBFTdWgnVI/AAAAAAAAGoI/2ui3WEtPH-sQiPwZF4oJM4c2vJXZhhGrwCLcB/s1600/new%2Byork%2Btime%2Bsquare.jpg
https://3.bp.blogspot.com/-JF9gvumHrnE/WUBFTdWgnVI/AAAAAAAAGoI/2ui3WEtPH-sQiPwZF4oJM4c2vJXZhhGrwCLcB/s72-c/new%2Byork%2Btime%2Bsquare.jpg
Minangkabau
http://www.anakminang.com/2017/06/6-wajah-padusi-nan-ka-diambiak-jadi.html
http://www.anakminang.com/
http://www.anakminang.com/
http://www.anakminang.com/2017/06/6-wajah-padusi-nan-ka-diambiak-jadi.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy