Saketek, Tapi Iko Mambuek Awak Bangga Jadi Urang Minang

Ranah Minang, Di situlah denai dilahiakan. Nah, kan iko pulolah. Tapi bak kato urang tuo tuo, sabanyak kapalo, sabanyak tu pulo macam manu...

Ranah Minang, Di situlah denai dilahiakan. Nah, kan iko pulolah. Tapi bak kato urang tuo tuo, sabanyak kapalo, sabanyak tu pulo macam manusia ko. Alah teranugrahkan lai di ranah Minang, manjadi urang Minang, Ayah jo Mande urang Minang. Ndak saketek pulo nan agak antipati atau bahkan bisa disabuik malu jo ke-Minang-anyo tu.

Antah apopun alasannyo, yo namonyo manusia tu ndak bisa lo dipasoan. Mungkin sanak-sanak kito nan takah itu punyo pamikiran surang-surang. Contohnyo, Ado nan maanggap kalau urang awak ko banyak nan cadiak buruak jo ajaran taimpik nak di ateh, takuruang nak dilua. Sifat urang Minang ko munapiak, misalnya katiko mandanga istilah harimau di paruik, kambiang juo bakaluaan atau iyoan nan di urang, laluan nan di awak. Bahkan labiah padiah, ado nan ba pikia urang Minang Gaya se, adaik basandi sarak- sarak basandi kitabullah. Tapi, mambagi harato warisan, sistem katurunan matrilineal dll ndak samo jo Islam. Nah, mungkin urang nan ado raso raso saroman tu di hatinyo alun paham, ibaraik mancaliak durian. Dicaliak baduri alah takuik sakali, indak dicubo mambalah jo makan isinyo. Sayang juo sih, padahal balah durian tu kan lasuah. Muahahahaha. Kok ado bagai kawan nan agak tatumpu logikanyo suruah nyo singgah kamari. Sekedarnyo untuk beberapa masalah mode kawin sasuku, bagi warisan dll saketek ado di dalam blog kito ko.

Panjang bana kato pangantar wak ndak? Kini,ko nyoa nan mambuek Awak tu harus bangga manjadi urang nan barasal dari Ranah Minang.

Randang, Makanan nan Acok wak langek tu ha, itu adola makanan paling lamak di dunia. A juo lai, awak sakurang-kurangnyo duo kali sataun (raio haji jo raio idul fitri) lai bisa malangek randang. Atau sakurang kurang nyo pai baralek lai dapek juo mangicok randang. Padiah, orijinal kato urang nyo eh, gadang padek lo saik dagiangnyo lai. Sementara itu berapa banyak saudara saudara kita yang tak bisa bahkan belum mengecap rendang sama sekali di luaran sana, kan seperti itulah.

Jam Gadang, Iko Cuma duo badunsanaknyo. Nan sanaknyo marantau di Inggirih. Awak nan di ranah Minang, sakurang kurangnyo pasti alah pernah ka Jam gadang ko. Apolai nan saputaran Mersi (marapi singgalang), Pai bali sarawa kotok se ka pasa lereang lai nampak juo jam gadang. Samantaro itu urang bakayay nak ka mancaliak jam gadang ko. Lieklah katiko liburan, kan banyak urang lua Minang ka tampek wak tu. Baco lah iko setek lu: Detail Jam Gadang di Bukittinggi.

Urang Minang ko Genetik nyo Santiang Santiang, Yo walaupun alun ado riset mambuktikan. Tapi fakta berbicara. Baa ka indak, negara ko merdeka jo jasa Sutan Syahrir, M Hatta, Agus Salim dan browsing selah di google pahlawan nan lain. Itu baru level lokal, alun lain nan Mancanegara nyo. Ado Sultan dari Brunai, Nan mambuek lagu negara Singapura, bahkan kaba sahiahnyo astronot Partamo Malaysia tu urang Minang pulo mah. Ndak tangguang tangguang, dek diakuinyo pernah urang Minang tu, jadi Model di pitih negara Singapura, Malaysia, dan Brunai. Baco langkoknyo di : Putra Minangkabau yang Menjadi Figur Mata Uang Asing

Jambatan Aka, Baraliah ka pasisia lai. Saking sayangnyo Tuhan ka Ranah Minang walaupun di daerah Rantau lah istilahnyo eh. Di pasisia ten ha, Ado jambatan nan tasusun dari urek urek batang kayu. Kaba-kabanyo eh nan takah takah iko duo lo di dunia ko nyo.

Bukittinggi Ibukota Indonesia, Untuak nan mudo nan acok cabut palajaran sejarah di sakola mungkin yo ndak tantu dek nyo ko doh. Kiktenggi ko pernah jadi Ibukota Pemerintahan Indonesia sangkek dahulunyo. Kutiko PDRI, tanyo lah ka rang gaek gaek kok ndak picayo. Sadang jaman parang se, kamari Ibukota negara di Pindahan. Kok dipikia-pikia, tantu Ranah Minang ko nagari nan Aman lah wakatu parang dahulu tu ndak eh. Oleh sebab dan maka dari pada itu, apo nan mambuek wak kadang sok sok gue loh di rantau tuh. Bahkan dek lah lamo dirantau, kadang ndak maakui diri jadi urang Minang. Semoga, sanak nan mambaco bukan dari golongan yang demikian. #AdenBanggaJadiRangMinang. (Foto di ateh yo bacokok sen dari Google, nan tukang patiak tu nan Punyo Namo di Foto tu, Ian Piliang)

Agiah Komen Gai La Sanak

   


Nama

Adaik,35,bahasa minang,6,Budaya,72,Carito,14,Dibao Galak,8,istilah,14,Pantun,12,Papatah,9,Resep Minang,9,Sajarah,31,Tokoh,10,Warisan,27,
ltr
item
Minangkabau: Saketek, Tapi Iko Mambuek Awak Bangga Jadi Urang Minang
Saketek, Tapi Iko Mambuek Awak Bangga Jadi Urang Minang
https://4.bp.blogspot.com/-Pnoh2uBpCCM/WXjMusZZqQI/AAAAAAAAGqI/7DSSL-1VqvYzgWD1KRvm4z7OatYr4sizwCLcBGAs/s640/new%2Byork%2Btime%2Bsquare.jpg
https://4.bp.blogspot.com/-Pnoh2uBpCCM/WXjMusZZqQI/AAAAAAAAGqI/7DSSL-1VqvYzgWD1KRvm4z7OatYr4sizwCLcBGAs/s72-c/new%2Byork%2Btime%2Bsquare.jpg
Minangkabau
http://www.anakminang.com/2017/07/bangga-jadi-minangkabau.html
http://www.anakminang.com/
http://www.anakminang.com/
http://www.anakminang.com/2017/07/bangga-jadi-minangkabau.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy