Arti Istilah "Anjiang Banyak Paraku Ciek"

Untuak nan kini, wak like lo istilah dari urang gaek gaek. Kadang lai mandanga, ndak tau arati no kan bedo jadi no du. Ndak malu wak du, s...

Untuak nan kini, wak like lo istilah dari urang gaek gaek. Kadang lai mandanga, ndak tau arati no kan bedo jadi no du. Ndak malu wak du, sabagai urang Minang; ndak mangarati di sindia, padahal urang awak ko terkenal bana tipih talingo atau mangarati jo sindia men.

Dari kato Anjiang Banyak Paraku Ciek go, ado bahkan banyak nan ndak tau apo tu Paraku. Paraku ko adola namo dari tampek makan Anjiang. Mungkin samo jo sia atau sayak tampaik makan anjiang. Jadi kok ado nan paburu, mamaliharo samuik, bacak, kumbang dll ngarati lah no paraku go.

Arti dari istilah Anjiang Banyak Paraku Ciek ko, mari wak bahas jo deduksi (eh induksi apo yo) lupo lo wak. Bayangan dalam kondisi no. Ado anjiang banyak, tapi tampek makan no ciek no. Lah, lai tabayangkan?

Itulah visual nyata no. Tapi pado makna no, istilah tu manjalehan situasi katiko; ciek sumber banyak nan mamakai. Nan manghasilkan ciek, nan Manandehan rami. Wak baok an ka contoh,

Kalau di keluarga – Nan mancari di rumah tu surang no. Nan makan rami, mintuo, ipa bisan, mak rumah, pambayan dll. Bukan manilai buruak atau elok no atau nan salah dalam kondisi du. Tapi saroman itulah kiro kiro keadaan untuk istilah go.

Kalau di anak Sikola – nan mambuek tugas kalompok surang no. Nan lain manyontoh men. Katiko ado ado PR, ciek nan mambuek- nan manyalin sanang men banyak.

Tu no arati dari Anjiang Banyak paraku Ciek ko. Kok ado gae nan tabukak pangana maagiah contoh lain, tambah-tambahan juo lah di kotak komentar ciek sanak. Co baco lo nan iko goh: Arti Istilah "Di Sawah Tajak Balabiah, Di Lapiak Pinggan Tak Cukuik"