Mangana Maso Ketek, Filosofi dari Main Layang Layang

Samaso ketek mungkin untuak nan laia minimal tahun 1993 ka bawah, tampek bamain kito di alam. Ba paneh-paneh. Agak beda jo nan jolong gada...

Samaso ketek mungkin untuak nan laia minimal tahun 1993 ka bawah, tampek bamain kito di alam. Ba paneh-paneh. Agak beda jo nan jolong gadang kini. Bamain mungkin alah jo henpon men. Ba instagram atau bafesbuk fesbuk bagailah. Ceting, kok ndak mangalau, mangalasau jo status. Dari siko mungkin bisa dikatoan angkatan angkatan 90-an go agak sanang iduik no. Baa ka indak loh. Katiko itu ma ado mangalau galau. Malahan tau kato galau dari lagu Anroys ‘ Galau hati nan Luko ‘ men no. Salabiah no bauru uru jo kawan.

Lah kini, kelas ampek esde baru alah antah antah men status no. Aku sayang kamu lah, eyayai balanjo manampuang tangan juo ka gaek baru, lah pandai lo ba mama mama mamanggia anak gadih urang. Samo tau men lah wak kondisi no du.

Bagian dari bauru uru du, nan paliang di kana adolah ba layang layang, atau ba alang alang istilah lain no. Eh cubo tes memori utak stek lu, lai takana sanak jo macam-macam layang layang go?
gambar layang layang tercanggih
Gambar go jan di karehan bana mancacek sanak, iko asli wak buek surang gambar no mah,, ndak wak agiah tau, pasti tau surang lah nilai manggambar wak wakatu sakola dulu

Di nostalgiakan Saketek lu Macam Macam Layang Layang

Nan kida layang maco. Atau ado di beberapa daerah manyabuik no jo alang-alang ketek. Biaso babali men di lapau. Sudah tu ba agiah taraju. Taraju ciek, atau taraju duo. Kadang ba agiah ikua no, karateh minyak atau koran ba guntiang tu basambuang panjang panjang.

Nan Suok, Layang darek atau di beberapa daerah di sabuik layang gadang. Layang ko dulu babuek mah. Bacari bana buluah. Barauik, di rakek jo karateh minyak. Siap tu baagiah ikua 4 halai. Ikua papek namo no kalau samo panjang ka ampek ikua no. Kok indak, dua nan ditangah di panjang-ngan. Balainan warna karateh nyo, buliah ancak. Di siko lah latak kreativitas jo seni kami kami angkatan 90-an ka bawah. Layang layang mode iko lo nan acok di jadian ba tandiang dek nan apak-apak pacandu layang layang.

Sabana no ado layang layang ciek lai. Layang danguang, kalau dinaiakan babunyi mandanguang. Dek itulah di agiah namo layang danguang. Buek no agak payah, agak jarang nan main layang layan go.

Alah kan lai takana jo macam macam layang layang ko ndak? Kini, sabana no banyak hal tantang kehidupan nan awak baraja dari ba layang layang ko. Istilah urang hebaik wak pinjam, filosofi ba main layang layang, kan iko lo go. Sadar ndak sadar, nan balayang layang go, alah mandidik awak banyak. Masa iya gitu, kok bica ci? Cubo lah di inok manuangan,

Iko no nan Filosofi Kato Urang du A

Partamo, Mulai dari Mancari Buluah ka layang ko. Ba cari bana buluah no go. Nan agak tuo saketek. Kalau nan ancak no barandam dulu, supayo nak tagok. Mode tulah iduik, ndak do nan kadatang surang do, bacari, bausaho. Pitih, jodoh bagai yo dicari, diusahoan. Di cari nan rancak (ndak ancak di muko men do sanak), kok tibo di jodoh. Ndak baitu? Lapeh tu, nak sabana tagok, paralu saba,itulah ibaraik marandam buluah go.

Kaduo, Barauik aluih buluah go. Mode tu lo iduik, Lah dapek barang nan rancak, untuak mandapek an nan labiah, di rauik. Sa ibaraik, nak cadiak yo ‘di rauik’ utak jo sikola. Nio pandai ‘ di rauik’ jo baraja, nak kayo ‘ dirauik’ jo baimaik. Ndak do nan instan do, kecuali mie abuih nan bisa ditunggik an aia taramoih, masuak an bumbu tu dilangek.

Katigo, batimbang baru di kabek. Supayo saimbang alang alang go, ba timbang dulu. Di kiro tangah rauik an cako, di kabek. Di gantuang, lai saimbang atau indak. Kok alah, dikabek lai ka tangkai jo pasangan no di bawah. A makna no, sabalum maambiak kaputusan, sabalum mangarajoan sesuatu, harus ditimbang elok elok, baik buruak no, alah adia atau alun kaputusan ko. Ikola bagian nan maajaan awak ntuak teliti, ba hati hati.

Ka Ampek, Marakek Layang Layang. Layang layang dirakek jo karateh minyak. Atau nan agak modern jo banyak pitih no, di rakek jo palastik tipih. Rakek layang ko ndak buliah tagang bana atau kandua bana rakek no harus pas. Mode tu lo iduik, jan tagang bana, jan kandua bana. Mukasuik no jan jadi urang serius bana, tapi jan kandua bana lo.

Ka Limo, Buek Taraju. Untuak layang darek biaso babuek taraju duo. Bagian ateh bacabang. Latak no harus pas, kok ndak barek sabalah layang beko. Arti singkek no saimbang iduik go sanak. Dunia di kaja, akhiraik di kaja pulo. Atau kalau inyiak wak mangicek dulu, asa ang dari ciek ( kabek di bawah) yaitu rang gaek. Jan sampai putuih kabek di sinan. Lah ka ateh, kabek bacabang. Adia lah dalam iduik, buliah nak lasuah naiak iduik ang du.

Ka Anam, Ba agiah Ikua. Baa ko ndak di agia baikua, samo taulah sanak. Lia layang go. Manyemba kasuok manyemba ka kida. Makna no, baban jo tangguang jawab dalam hiduik go biaso. Harus malahan, dek ado tangguang jawab jo baban go manusia bisa di kontrol. Kok indak, mancari lawan men iduik mah. Contoh men lah, nan bujang. Ndak barumah tanggo, balago balago la, ndak do nan kadipikian do. Bandiang-an jo nan lah babini, baranak. Silang sangketo, pasti jo tanang basalasaian. Sabab ado baban, awak badan batangguang jawab ndak bisa kamari manyemba men do. Eh, sori untuak nan jomblo. Atau dalam contoh lain nan agak siak, ka ma pai, ingekla apopun nan wak buek akan dipertanggung jawabkan di hadapan Allah. Kok lah babao prinsip mode tu, insyallah ndak ka lia parangai wak do.

Ka Tujuah, Ba Anjuangan mako ka naiak. Harus baduo banaiak an layang go. Nan surang maanjuangan, nan surang mamacik banang. Di lapehan, di elo. Samo jo iduik, awak go pasti butuh urang lain. Bersosialisasilah, karano ka naik ko yo paralu kawan ataupun dukungan. Ndak cukuik dia wak surang men do.

Ka lapan, Naiak Alang alang ko malawan angin. Dek malawan arah angin mako ka naiak layang go, ndak bitu? Arati no, yo nak tinggi awak, yo dilawan angin. Masalah nan ado dalam iduik ko bukan mambuek awak putuih aso. Malahan itu ma motipasi untuak dapek pancapaian nan labiah.

Ka Sambilan, Pandai Pandai jo kondisi angin. Ado wakatu no maloro banang, atau wakatu no ditahan atau pun di egang. Angin kancang, loro lah banang, angin ndak do egang lah banang. Ibaraik no pandai pandai baco situasi, ado wakatu no awak basaba dulu, ado lo wakatu awak tegas. Ambiak contoh kalau sadang emosi, yo di kandua dulu. Di oro banang, lah tibo angin nan cocok baru diegang. Tantu mukasuik no dalam berbagai bidang lain sanak pahamlah.

Itulah filosofi dari bamain alang alang dari maso ketek kito, alam takambang manjadi guru, Kan mantun. Kok ado salah salah dalam panyampaian, ayo maaf sabalumnyo dan bisa diluruihan di komentar. “Semoga alang-alang sanak bisa tagak tali.”

Agiah Komen Gai La Sanak

Gugel: 1
Loading...
Nama

Adaik,35,bahasa minang,6,Budaya,70,Carito,14,Dibao Galak,8,istilah,14,Pantun,12,Papatah,8,Resep Minang,8,Sajarah,28,Tokoh,9,Warisan,24,
ltr
item
Minangkabau: Mangana Maso Ketek, Filosofi dari Main Layang Layang
Mangana Maso Ketek, Filosofi dari Main Layang Layang
https://1.bp.blogspot.com/-ElCICV8Vt00/WjEX7RSgu6I/AAAAAAAAJJw/3jycqZNl3kg0gCMR58LdcnG2OJfxFCeCgCLcBGAs/s400/minangkabau%2Btempo%2Bdulu.jpg
https://1.bp.blogspot.com/-ElCICV8Vt00/WjEX7RSgu6I/AAAAAAAAJJw/3jycqZNl3kg0gCMR58LdcnG2OJfxFCeCgCLcBGAs/s72-c/minangkabau%2Btempo%2Bdulu.jpg
Minangkabau
http://www.anakminang.com/2017/08/mangana-maso-ketek-filosofi-dari-main.html
http://www.anakminang.com/
http://www.anakminang.com/
http://www.anakminang.com/2017/08/mangana-maso-ketek-filosofi-dari-main.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy