Arti Istilah "Bantuak Sipuluik Ditanak Badarai"

Mungkin alah acok awak mandanga istilah nan saroman iko. Bantuak sipuluik ditanak badarai? Tapi acok bana mandanga bukan jaminan kalau aw...

arti dari bantuak sipuluik ditanak badarai

Mungkin alah acok awak mandanga istilah nan saroman iko. Bantuak sipuluik ditanak badarai? Tapi acok bana mandanga bukan jaminan kalau awak ko tahu jo istilah iko.

Yo, untuk nan alah tahu tantu sukur banalah. Nan indak, tu makonyo taruihanlah mambaco iko sampai ka bawah. Kan mode itulah, mangaji sampai putuih, balaian sampai ka pulau, mambaco yo sudah sudah.

Ko ado urang nan ongeh parangai nyo, biasonyo nan di urang Minang ndak ka maupek langsuang do. Oi Kelera, parangai kamu tu ha. Iyo kok lah tabik suga bana baru mode tu kalua nyo lai. Tapi kan dek urang awak ko, arih jo kieh, ba bahaso kileh. Ibaraik jarum, den aluih ujuang nyo mako dalam pai nyo.

Samo tahu se lah, manusia Minangkabau ko harus bijak. Tahu jo kato nan bakieh. Memang kok di Kids Jaman Now, batele tele kiceknyo. Tantulah iyo nan ka sok-sok an Kids Zaman Now katonyo tu jarang nan mangarati seni ba kato kato. Teknik berdiplomasi. Caliak se lah kini, ma ado nan sasantiang pak Hatta, nan kok badebat sapandai inyiak Agus Salim lai? Nan jaleh banistagram nistagram se.

Baliak liak ka tujuan utama nyo. Nan ka dijalehan disiko yo arti bantuak Si puluik, ditanak badarai.

Sasuai jo kata pengantar di ateh cako go eh. Yo itulah, artinyo iko adolah urang nan sombong, ongeh, gaya bakalabiahan. Tapi isi kapalo ndak do, karajo ndak manjadi ciek alah juo do.

Baa kok mantun tu? Mari wak caliak jo katajaman raso dalam istilah ko. Partamo, kan lai tau sipuluik kan? Bareh nan di tanak ka jadi nasi lamak, atau nasi kuniang (kalau di Kurai, Kiktenggi dan sekitarnya). Atau  jodoh si Sarikayo, lasuah bana di ampai goh.

Adopun hakikatnya bareh puluik ko di tanak agak bagatahnyo. Mungkin bisa lah mode nasi lambiak wak katokanlah yo. Mode tulah seharusnyo sipuluik ko kalau ditanak.

Namun, di kalimaik awal nyo, dikatokan - Bantuak si puluik. Jadi urang ko seolah olah penampilannyo manipu, gaya alahurabi, ampun wak deknyo. Kironyo alah - ditanak badarai. Kontradiksi bana barang ko jo harapan sasuai nan tampak. Jauah dari apo nan urang kiro. Bantuang hebaik, ota politik, Ekspor impor, Dolar naik dolar turun. Namun isi kapalo sabannyo ndak ado, sikolah sede urang 6 tahun di awak 8 tahun, smp batolongan naiak dek apak bakonco jo kapalo sakola. Hahahahaha.

Jadi itulah mode urang nan disabuik sasuai jo istilah ko. Kok ado gai mandanga rang gaek gaek ma ota, O si anu tu..... paja tu.... bantuak sipuluik di tanak badarai. Ha, tando urang ongeh manang dilagak se paja tu mah.  Itulah kiro-kiro arti istilah ko. Untuang kok lai jauah sipaik nan takah ko dari kito.

Agiah Komen Gai La Sanak

Nama

Adaik,35,bahasa minang,6,Budaya,70,Carito,14,Dibao Galak,8,istilah,14,Pantun,12,Papatah,8,Resep Minang,8,Sajarah,28,Tokoh,9,Warisan,24,
ltr
item
Minangkabau: Arti Istilah "Bantuak Sipuluik Ditanak Badarai"
Arti Istilah "Bantuak Sipuluik Ditanak Badarai"
https://4.bp.blogspot.com/-QaQsQn1K21M/Wfesz4BzmzI/AAAAAAAAIkg/X0w4sVW1gsEYbOJ9F5QBNkM01PEAaRAjQCLcBGAs/s1600/lingkaran%2Bdalam%2Bsegitiga.jpg
https://4.bp.blogspot.com/-QaQsQn1K21M/Wfesz4BzmzI/AAAAAAAAIkg/X0w4sVW1gsEYbOJ9F5QBNkM01PEAaRAjQCLcBGAs/s72-c/lingkaran%2Bdalam%2Bsegitiga.jpg
Minangkabau
http://www.anakminang.com/2017/10/arti-istilah-bantuak-sipuluik-ditanak.html
http://www.anakminang.com/
http://www.anakminang.com/
http://www.anakminang.com/2017/10/arti-istilah-bantuak-sipuluik-ditanak.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy