Nasihaik Urang Gaek: Oi Rang Mudo Kurang Kurangilah nan Saroman itu

Sapanjang iduang ditampuah angok. Alah banyak ragam asam garam hiduik nan ambo tampuah. Mulai dari makan ba agak an di pinggan sampai kahi...

Sapanjang iduang ditampuah angok. Alah banyak ragam asam garam hiduik nan ambo tampuah. Mulai dari makan ba agak an di pinggan sampai kahilangan urang tuo kanduang.

Baitulah parasaian ambo dulu. Babeda bana raso nyo jo nan jo kini. Di calik nan mudo mudo, sibuk bagajet gajet. Antahlah antah dek mungkin ambo ndak iduik diumua sakian loh wakatu gajet ko manjadi magnet.

Paniang kini ma mikian kepsen instagram. Dangki mancaliak kawan punyo facebook nan banyak dapek like. Nan ndak kurang banyak nyo nan galau putuih bacinto. Indak nan jantan, indak nan batino, mangaruang ngaruang di status fesbuk. Kenapa kau tinggalkan aku, aku sangat mencintai mu.

Khusus nan masalah iko, ondeh yo ampun ambo. Ko saisuak kasiah barasiokan. Tuhan jo malaikaik sajo nan tahu. Kini, di solok urang patah hati, di pasaman kaba nyo sampai. Itulah santiangnyo fesbuk ko kini.

Antah baa lah ko, mungkin iko lo sabab payah mancari tokoh minang nan badacak. Salapeh partai tuo Fahri Hamzah jo Fadli Zon antah agak kabua gambaran nan ka di sabuik jo bangga Putra Ranah Minang.

Banyak memang urang Minang kini. Tapi generasi nan lamah. Gadang di fesbuk, sakola di instagram, mangaji di twitter. Alhasil dapek ijazah alay katiko SMP. Dari SMA hanyo jadi generasi "aku di bully". Onde mandeh...

Saketek saketek aku di bully. Kami jaman sikola dulu, cacek mancacek, manyabuik nyabuik namo apak. Sampai bakuhantam. Iyo mungkin indak contoh nan elok nan sarupo iko, tapi dari karehnyo mode itu nan mambantuak generasi nan tahan caci maki. Akar dari urang nan kuaik mental.

Salanjuiknyo, banyak mangaji di twitter. Apo nan dapek? Dalil hiduik basumber dari twitter sajo. Ondoh umaik di twitter, awak sato pulo. VIRALKAN!  Baitulah kosa kata dakwahnyo. Utak utak nan basi ondoh. Bahkan baliau labiah picayo jo kato urang nan banyak sajo, ndak tahu apo iko batua atau salah. Yang penting urang rami, awak sato pulo.

Samantaro ditanyo apo agamo, jaweknyo padek. Awak islam. Labiah dari kato kato sarupo itu, hanyo manusia nan kosong. Kama rami urang awak ka situ loh. Mazhabnyo hanyo pado trending topik.

Di siko-lah hulu, banyak kito caliak generasi nan tagak ndak ba pandirian. Nan mudo demi trending, demi banyak like di pergaulan maya, bahkan sampai mangarajoan nan saharusnyo indak patuik. Indak tangguang tangguang, bisa di caliak bara nan Islam malecehkan agamonyo surang. Ampun sabana ampun, antah dima dima lah paja ko dulu, nan Islam ko alah manggarihkan sendi kehidupan. Kini nan anyia anyia ko, santiang pulo mahino hino bagai.

Dek kami bagurau dulu iyo kadang ka lapau. Iyo, apo nan mode itu? Ndak elok main kalua rumah.

Tapi, ingek di pergaulan ma ota ka lapau tu kami sakaligus baraja taratik mangicek. Baa adab jo sopan santun mangicek jo urang lain. Baa manyanggah pandapek urang, baa supayo bapikia kritis manyampaikan pandapek supayo urang nan mandanga bisa mamikiakan ide nan disampaikan.

Buliah di bandiangkan jo nan kini. Mangicek lah sakalamak paruik sajo. Baketik a nan takana sajo. Nan santiang iyo lah nan ba santiang nyo. Tapi, santaing nan mode tu apo gunonyo?

Dibao ka forum nan resmi kuncuik barang ko. Sadiahlah Muhammad Hatta, H Agus Salim maliek nyo. Urang nan dianggsp singo di ateh mimbar, kini tibo di anak cucu hanyo tingga nan ba sok santiang di sosial media sajo.
Ota Ota Manunggu Kopi Dingin jo mak Palindih di Baso.

Agiah Komen Gai La Sanak

Nama

Adaik,35,bahasa minang,6,Budaya,70,Carito,14,Dibao Galak,8,istilah,14,Pantun,12,Papatah,8,Resep Minang,8,Sajarah,28,Tokoh,9,Warisan,24,
ltr
item
Minangkabau: Nasihaik Urang Gaek: Oi Rang Mudo Kurang Kurangilah nan Saroman itu
Nasihaik Urang Gaek: Oi Rang Mudo Kurang Kurangilah nan Saroman itu
https://4.bp.blogspot.com/-iEluuR30oMU/WjDyIAYrFyI/AAAAAAAAJIk/egHg1p3qmeoSONqRyVLgwKpP0NEOY8tCACLcBGAs/s400/IMG-20171213-WA0000.jpg
https://4.bp.blogspot.com/-iEluuR30oMU/WjDyIAYrFyI/AAAAAAAAJIk/egHg1p3qmeoSONqRyVLgwKpP0NEOY8tCACLcBGAs/s72-c/IMG-20171213-WA0000.jpg
Minangkabau
http://www.anakminang.com/2017/12/nasihaik-urang-gaek-oi-rang-mudo-kurang.html
http://www.anakminang.com/
http://www.anakminang.com/
http://www.anakminang.com/2017/12/nasihaik-urang-gaek-oi-rang-mudo-kurang.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy