Caro Manyimpan Lado Supayo Ndak Capek Busuak

Nan kini, yo ndak resep nan biyai tulih do. Tapi lado alias cabe kalau dalam bahasa Indonesia-nyo. Eh tapi cukuik sakali se di sabuik, Cab...

Nan kini, yo ndak resep nan biyai tulih do. Tapi lado alias cabe kalau dalam bahasa Indonesia-nyo. Eh tapi cukuik sakali se di sabuik, Cabe jan sampai dua kali. Beko banyak nan mudo mudo tasingguang.

Baa kok diraso paralu ma agiah tahu sanak sadonyo? Sabab samo samo wak tau kalau lado ko adolah unsur paliang vital  dalam dunia masak mamasak di Minangkabau. Yo khusus samba yo, beko dek disabuik vital, sanak buek kolak batambahan pulo lado.

Sasuai judulnyo, iko nyo caro manyimpan lado supayo labiah tahan lamo. Apolai bagi amai-amai wanita karir, tantu ndak sempat ka pasa tiok hari untuak balanjo ka dapua.

Partamo, Buang tampuak lado tu dulu. Lado ko capek busuak dek tampuaknyo ko mah. Tapi, lado ko jan di basuak. Pulang dari pasa, buang langsuang tampuaknyo.

Kaduo, ambiak bawang putiah, bukak. Sudah tu masuak an ka lado cako. Ndak usah digiliang, ibaratnyo bawang putiah ko kapua baruih untuk lado kito.

Katigo, ambiak topleh. Aleh jo koran. Sudah tu masuakan lado cako. Kok dapek jan sampai barangok lado ko di dalam.

Lah, kalau lah salasai. Karajoanlah nan lain lai. Tips dari biai sagitunyo supayo lado alias cabe ndak capek busuak.