Daftar Kesalahan Orang Minang Berbahasa Minang

Jadi awak urang Minang? Iyo? Lai Sabana Minang karek an? Kok iyo go eh. Lanjuikanlah mambaco. Kok indak, barek kajinyo biko. Raso raso ndak ...

Jadi awak urang Minang? Iyo? Lai Sabana Minang karek an? Kok iyo go eh. Lanjuikanlah mambaco. Kok indak, barek kajinyo biko. Raso raso ndak ka putuih kaji go biko doh. Bisa gilo tantangan no go mah.

Sadar atau indak, awak sabagai urang Minang go banyak nan lah tabao ondoh jo kesalahan massal. Oio jan bangih bangih dulu. Simak bana jo ati nan tanang sampai tarakhir dih.

Baa kok kasalahan massal disabuik? Itu karano lah turun tamurun kasalahan kasalahan berbahasa Minang go awak turunan. Antah dari inyiak inyiak nan ka bara di ateh anduang wak mungkin. Hinggo ka kito. Gadang lo mungkin no sampai ka cucu ka bara dari cucu wak ka dapek kesalah dalam berbahasa Minang go.
Foto Uni Kamek go, nampak di http://guguak8koto.blogspot.com/ tu disemba men li
Adopun kasalahan tu, iko no a.

1. Mananak Nasi

Salamo ko biaso no nan di tanak dek amai amai go bareh. Tapi antah baa lo lah kok sampai kito (ambo iyo lo no) basabuik mananak nasi.

Padahal, ma ado urang nasi nan no tanak. Co lah  pikia kioh.

2. Mangguntiang Baju

Iko ciek lai. Misal no ari ka ri rayo go eh. Babali kain di aua kuniang. Ba Upahan ka tukang jaik.

Eh kiro no, lah sapakan ndak alun jadi juo baju go. Pulang sumbayang subuah, bae ma ota ota sapulang di surau. Si Sutan Mudo du (namo hanyo samaran - kok ado nan sutan Mudo jan tasingguang lo lai) , baju dein alun juo diguntiang no lai. Onde mandeh, ba lo ka caro no mangguntiang baju go mai.

3. Manjaik Baju

Balanjuik-kan carito tadi liak. Tibo 3 hari ka rayo, pai ka tampaik Sutan Mudo go. Ooo tan Mudo, lah bajaik baju dein.

Cubo bayangkan nan ano agiahan ka tukang jaik tu kain poloih. Tibo tibo batanyo bajunyo lah bajaik. Kadang disitu pulo awak maraso ibo. Si Sutan mudo nan tukang jaik kain manjadi baju, lah taburuak men namo no di kampuang. SUTAN MUDO TUKANG JAIK BAJU.

4. Manyabik Padi

Padi nan saaluih aluih tu, baa lo la ka caro no ka manyabik goh. Nan ado batang padi nan disabik. Sudah tu diungguakkan. 

Beko lah salasai, dianginan untuk mamisahan nan boneh jo nan ampo. Baru di baok ka eler. Jadi dalam proses tu pabilo men urang manyabik padi. Ndak do do kan.

5. Baburu Babi

Baraliah ka dunia khusus apak paja lai. Nan hobi baburu. Kan ado persatuan no du ha, PORBI, Persatuan Buru Babi.

Nan heran nak, katiko ditanyo urang sadang meirik anjiang di ari akaik pagi go. Kama Gindo? - Ko a ka pai baburu. Alah panduto gadang Gindo ko eh. Ano ma irik anjiang. Tibo di rimbo anjiang no nan pai mangaja kandiak. Nan baliau paliang duduak duduak, maota ota jo kawan kawan. Yo kadang kok lai 'masak', bae bakaja ka kandiak nan lah mati atau dihampai anjiang go.

Jadi nan pai baburu go sabana no sia. Anjiang no kan? Nan Gindo tadi?

Ha jadi itulah nan dapek  baru kasalahan kasalahan dalam berbahasa Minang go. Mungkin kok ado bagai nan ka manambahan di bae bagailah bakomentar sapatah duo patah kato.

Agiah Komen Gai La Sanak

Nama

Adaik,35,bahasa minang,6,Budaya,56,Carito,14,Dibao Galak,8,istilah,14,Pantun,12,Papatah,8,Resep Minang,8,Sajarah,28,Tokoh,9,Warisan,24,
ltr
item
Minangkabau: Daftar Kesalahan Orang Minang Berbahasa Minang
Daftar Kesalahan Orang Minang Berbahasa Minang
https://4.bp.blogspot.com/-nSuYBDpSSUg/WtC6O7otigI/AAAAAAAALAc/uhGF8Q8MO3wm6HnpDGadhCbXqEy_artsQCLcBGAs/s320/cangkuak.jpg
https://4.bp.blogspot.com/-nSuYBDpSSUg/WtC6O7otigI/AAAAAAAALAc/uhGF8Q8MO3wm6HnpDGadhCbXqEy_artsQCLcBGAs/s72-c/cangkuak.jpg
Minangkabau
http://www.anakminang.com/2018/04/daftar-kesalahan-orang-minang-berbahasa.html
http://www.anakminang.com/
http://www.anakminang.com/
http://www.anakminang.com/2018/04/daftar-kesalahan-orang-minang-berbahasa.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy