Ranuangan: Pulanglah Nak...

Oi nak kanduang sibiran tulang, buah hati limpo bakuruang, ubek jariah palarai damam, sidingin tampa di kapalo, dima kini nak? Lah tibo bu...

Oi nak kanduang sibiran tulang, buah hati limpo bakuruang, ubek jariah palarai damam, sidingin tampa di kapalo, dima kini nak?

Lah tibo bulan puaso
Sabanta lay hari ka rayo
Pangana jauah diputiah mato
Maingek nak kanduang di tanah jawo
Ndak ado kaba ciek pun barito
Mandeh manunggu jo ati ibo
Apo lah lupo jo mandeh kanduang nak?
Ibo hati mandeh nak
Kalau diliek dipandangi nak, dicaliak umua nan tapakai, badan mandeh baransua tuo. Nyampang tibo saruan Allah, aja sampai angok malayang. Ditanah sirah badan tabujua, kain kafan panyalimuik dingin, batu nisan nan tandonyo.
Apo harus jo takdir kematian tu manyilau mandeh nak?
Pulang juo lah nak, silau lah mandeh walau sabanta
[post_ads]
Oh nak kanduang dirantau urang
Jikok rami galeh takambang
Galak gadang ati pun sanang
Tapi jan lupo sawah jo pimatang
Ndak elok dipaturuikkan ati gadang
Ingek kabun sarato ladang
Tampek mandeh bakureh mambantiang tulang..
Ndak Mandeh harok ameh jo parmato doh nak..
Nan mandeh taragak hanyo badan diri nak..

Nan ka mambuek batin ko pueh katiko babimbiang tangan karipuik mandeh ko pai Sumbayang Rayo..
Hanyo itu nak.. Hanyo itu..

Takalo maso dulunyo nak, awal mulonyo insan kalahia, mandeh di dalam pasawangan, sakik nan indak tatahankan, pakiak mamacah haniang malam . Lua ka Allah, bagantuang indak kamano ka manggapai.
Dek lamo lambek badayuang, sapueh-pueh panangguangan sampailah juo di kualo. Tali turun sauh dibuang, kapa marapek di tapian balabuah surang pasisianyo. Sawajah kapado urang nantun nak, mandi darah sakujua badan, kaki malajang-lajang, taganggam tangan nan duo, bunyi pakiak sapanuah kampuang cando pandeka dapek lawan. O.. Nak.., akhianyo lahia juo ka dunia.
Bangga nan ndak dapek dikatokan..
Bahagia nan bukan alang kapalang..
Sakik jo padiah baganti sanang..
[post_ads_2]
Taingek carito lamo..
Katiko anak malangkah ka rantau urang..
Jo linangan aia mato mandeh lapeh..
Tangih nan capek basuruakkan..
Do'a nan tiok hari basimpuahkan..
Hanyo itu nan mandeh kana nak..
Bukan harok dek baleh jaso nak..
Karano itu kewajiban mandeh..

Tapi baa dek mandeh sabuik sadonyo nak?
Karano hanyo itu untuak kini ko nan bisa marintang rusuah..
Mailangkan ibo hati..
Mandaru kapa tabang dilangik nak..
Manapi kapa lauik dipantai..
Lah lalu lalang pulo oto dari jauah..
Balinang aia mato Mandeh mamandangnyo..
Baharok kok lain anak nan datang..
Kironyo indak juo doh nak, hanyo angan-angan pamenan kapalo, rindu nan alun ado ubeknyo.
(Dapek dari WAG)

Agiah Komen Gai La Sanak

   


Nama

Adaik,35,bahasa minang,6,Budaya,72,Carito,14,Dibao Galak,8,istilah,14,Pantun,12,Papatah,9,Resep Minang,9,Sajarah,31,Tokoh,10,Warisan,27,
ltr
item
Minangkabau: Ranuangan: Pulanglah Nak...
Ranuangan: Pulanglah Nak...
https://3.bp.blogspot.com/-MsvSKNN5S98/WxhhHun4eCI/AAAAAAAALeQ/8czNNpE2Yv0Hy5KoaCnq5_f_obr1CruSgCLcBGAs/s400/transfer%2Bpulsa%2Btelkomsel.jpg
https://3.bp.blogspot.com/-MsvSKNN5S98/WxhhHun4eCI/AAAAAAAALeQ/8czNNpE2Yv0Hy5KoaCnq5_f_obr1CruSgCLcBGAs/s72-c/transfer%2Bpulsa%2Btelkomsel.jpg
Minangkabau
http://www.anakminang.com/2018/06/ranuangan-pulanglah-nak.html
http://www.anakminang.com/
http://www.anakminang.com/
http://www.anakminang.com/2018/06/ranuangan-pulanglah-nak.html
true
2180777074329911998
UTF-8
Sadang Proses Indak Basuo Caliak Sadono Baco Langkok Baleh Indak Jadi Baleh Apuih Oleh Laman Utamo Laman Artikel Caliak Sadonyo Iko Lasuah Lo Tantang Kumpulano SEARCH Kasadono Ndak Basuo nan Sanan Mintak Baliak Ka Hal Utamo Akaik Sinayan Salasa Rabaa Kamih Jumaik Satu Akaik Sinayan Salasa Rabaa Kamih Jumaik Satu Januari Februari Maret April Mei Juni Juli Aguih September Oktober November Desember Jan Feb Mar Apr Mei Jun Jul Ags Sep Okt Nov Dec Sabanta Ko 1 minik nan lalu $$1$$ minik lalu 1 nan lalu $$1$$ jam nan lalu Karik Parang $$1$$ patang $$1$$ minggu patang labiah 5 minggu Followers Follow Iko Bamanpaik Bana Bagian dulu baru tabukak gembok no mah Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy